Цените на Лековите Паѓаат за 70%

//Цените на Лековите Паѓаат за 70%

Цените на Лековите Паѓаат за 70%

Од 15 октомври ќе важат нови, пониски, цени на лековите. До 70 проценти паѓаат цените на 346 лекови. Ќе поевтини терапијата за кардиоваскуларни и респираторни заболувања, цитостатици, хормони и антибиотици. Венефит ќе имаат пациенти со прележан инфаркт кои за неопходниот лек кој не е на позитивната листа досега плаќаа по 1500 денари. Од 15 октомври, кога стапуваат на сила новите цени, ќе се издвојуваат по 996 денари. Само за овој лек годишната заштеда ќе биде околу 400.000 евра.

Се намалуваат и цените на лековите за остеопороза и тоа за еден лек од 9130 на 6841, а има и за цитостатици, но и за пациенти кои користат лекови за чир на желудник. Од ова намалување на 346 лекови, 207 се генерички, а 139 иновативни, вели министерот за здравство Никола Тодоров.

Намалувањето е во согласност со новата методологија за утврдување на цените со која во февруари пониски цени добија 1299 лекови.

Компаниите до понеделник треба да ги добијат цените. Досега ова е второ намалување и сега веќе имаме 1636 лекови со пониски цени. Не очекувам дека некоја компанија ќе има забелешки, вели Тодоров.

Заштедата со последното намалување на цените ќе биде над 3,5 милиони евра. Следното намалување по оваа методологија ќе биде на 15 март идната година

[custom_frame_center]Цените на Лековите Паѓаат за 70%[/custom_frame_center]

Превземено: Вечер

Датум на објавата: 08.10.2012

Автор: Сања Димитровска

By | 2012-10-08T08:15:11+00:00 08/10/2012|Здравство|