Квалитетот на Услугите под Лупата на Сворт Рисрч

/, Банки, Маркети, Телекомуникации/Квалитетот на Услугите под Лупата на Сворт Рисрч

Квалитетот на Услугите под Лупата на Сворт Рисрч

Агенцијата Свот Рисрч спроведе годишно истражување за квалитетот на услугите. Банките и автосалоните се подобруваат. Телекомуникациските оператори го влошуваат своите услуги, а најголемо унапредување има кај големопродажните вештини на вработените во супер маркетите.

Чести се ситуациите кога во некои од супермаркетите, а особено во продавниците за техничка опрема  купувачите не можат да ги лоцираат вработените. До информација тешко доаѓаат дури и кога ќе го најдат продавачот бидејќи тој е обично зафатен со редење на стоката. Без да почувствува  потреба за поголемо ангажирање, тој обично со прст ја покажува насоката во која треба да се движи купувачот.

И кај самите продавачи постои еден песимистички став во однос на купувачката моќ на потрошувачите односно самата економска криза која влијае на помала потрошувачка или на поселективно купување влијае и на продавачите на тоа што они имаат пониски очекувања дека продавачите што влегуваат во нивната продавница дека нешто ќе купат, вели Марко Радоњиќ директор на агенцијата Свот Рисрч.

Кризата ја чувствуваат  и авто салоните, вели Радоњиќ, но нивните вработени се насмеани, љубезни и добро информирани, пред се поради квалитетните обуки низ кои поминале. Зад нив по квалитетот на услугите и продажните вештини се телекомуникациските оператори, банките, бензинските пумпи. Како недостатоци им се забележува тоа дека вработените не ги идентификуваат потребите на купувачите, не ги истакнуват предностите во споредба со конкуренцијата, ниту пак им нудат дополнителен производ.

Ми пречи арогантниот однос на шалтерските работници во банките. Немаат добар однос кон муштериите. Мислат дека муштеријата мора да помине на нивниот однос, вели граѓанин.

На пример ми пречат цените. На пример земаш еден артикл пишува една цена, а кога ќе дојдеш на каса сосема е друга и демек се потрошил тој артикл што требало да стои таму, вели граѓанка.

Малку да бидат по уредени и постегнати. Имаме некој не им се оди, а некоја симпатична сепак ве привлекува, вели граѓанин.

Истражувањето покажало дека времето на чекање во сите овие дејности, освен кај телекомуникациските оператори, е намалено. Кај операторите купувачите чекале повеќе за две минути во однос на минатите години, односно за да ја добијат услугата, во просек чекале околу 10 минути.

 

Превземено: Телма

Датум на објавата: 30.10.2012

Термин: 18.30 часот

Автор: Сања Јовановиќ Дамјановска