На почетокот од јануари стапи на сила новиот Закон за филмска дејност, кој носи нова јавна давачка за дел од бизнис секторот.
Националните телевизии од вкупниот годишен приход, 1,1 % ќе треба да и плаќаат на новата Агенција за филм, кабелските и телекомуникациските оператори ќе треба да издвојат 2,5 % од вкупните годишни приходи, 5 % на Агенцијата ќе треба да и плаќаат кината, 3 % дистрибутерите и изнајмувачи на филмови и 1,3 % приредувачите на игри на среќа.
Собранието новиот закон го изгласа во мај минатата година.
Засегнатите страни постојано апелираат дека новото законско решение не е прифатливо и дека ќе нанесе сериозен удар врз финансиската стабилност на компаниите, што пак на крајот ќе се прелее и врз грбот на граѓаните со можно зголемување на цената на крајната услуга.
[custom_frame_center][/custom_frame_center]
Извор: www.emagazin.mk
Датум на објава: 02.01.2014