Компанијата „Џонсон Мети“ в среда во слободната економска зона Бунарџик ќе постави камен-темелник на новите производствени погони со инвестиција од 10 милиони евра.
Камен-темелникот на фабриката што ќе се гради ќе го постават премиерот Груевски и извршниот директор на одделот за еколошки технологии на Џонсон Мети, Лари Пенц.
Груевски информираше дека покрај новата значајна инвестиција за Македонија, кон крајот на мај или почетокот на јуни почнуваат да работат „Кенет електроник“, која веќе почнала да ангажира вработени и да го опремува капацитетот со машини, како и една швајцарска фабрика за производство на ветерници.
Во тек се подготовки и за стартување на фабриката на „Технокозе“ од Италија, која ќе произведува различни видови пумпи.
[custom_frame_center]
[/custom_frame_center]
Извор: www.mkd.mk
Датум на објава: 07.05.2012