Конечно Вистинска Конкуренција на Gmail?

//Конечно Вистинска Конкуренција на Gmail?

Конечно Вистинска Конкуренција на Gmail?

[custom_frame_left][/custom_frame_left] Microsoft ја лансираше својата нова е-маил услуга во облакот, која не претставува редизајниран Hotmail туку целосно нов сервис кој го носи називот Outlook.com.

Оваа услуга ќе функционира одвоено од Hotmail, на што најверојатно настојувале од Microsoft за да се оддалечат од лошата репутација на Hotmail. Иако во основа и двете услуги се многу слични, од визуелна гледна точка Outlook изгледа многу поубаво и е попрегледен, нема досадни банери и видео огласи, па затоа можеме да кажеме дека е многу подискретен.

Тука додека разговарате со одредена личност нема да “налетате“ на таргетирани огласи, туку наместо тоа ќе ви биде понуден брз пристап до Twitter и Facebook, како и можност за ретвитување и лајкување и испраќање на коментари. Тука ќе биде сместен и интегриран Skype, но таа услуга засега не е достапна. Една од поинтересните карактеристики е минималистичкиот интерфејс кој очигледно е дизајниран со намера да ги одвлече корисниците од Gmail.

Што се однесува до место за складирање на податоците, тоа виртуелно е неограничено, но Microsoft не им ветува неограничен account на спамерите, што значи дека ќе ве избрише ако овој неограничен простор го користите за спамирање. Важно е да се нагласи дека на секој нов account ќе добиете и вообичаено 7GB бесплатно складирање на SkyDrive (што всушност претставува Microsoft пандан на Google Drive).

Исто така може да се додаде дека како услуга ги обединува бесплатните Office Web Apps, како што се Word, Excel, PowerPoint и OneNote, а имаме чувство дека на корисниците им се нуди добра контрола на приватноста. Па да се надеваме дека овој позитивен став за оваа услуга ќе можеме да го задржиме подолго време без да не опсипат со маркетинг содржини.

[custom_frame_center]Конечно Вистинска Конкуренција на Gmail?[/custom_frame_center]

Превземено: www.idividi.com.mk

Датум на објавата: 03.08.2012

By | 2012-08-06T10:59:27+00:00 06/08/2012|Информатичка технологија|