Бензините Поевтини за Два, а Дизелот за Еден Денар

Бензините од ноќеска на полноќ поевтинуваат за два денара, а дизелот за еден денар.

Според одлуката на Регулаторната комисија за енергетика, новата цена на „еуросупер БС95″ изнесува 86,50 денари за еден литар, „еуросуперот БС98″ ќе се продава за 88 денари, „еуродизелот” за 73,50 денари, а екстралесното масло за домаќинство за 62 денари за еден литар.

Се намалува и малопродажната цена на мазутот и сега изнесува 46,138 денари за еден килограм.

Просечната цена на сурова нафта на светскиот пазар во изминатите 14 дена изнесуваше 113,959 долари за еден барел и е за 1,31 проценти пониска од просечната цена на сурова нафта по која беа формирани тековните цени на нафтените деривати. Курсот на денарот изминатите две недели е за 1,25 проценти понизок во однос на курсот на доларот по кој беа формирани цените.

[custom_frame_center][/custom_frame_center]