Еуролинк осигурување заклучно со 2011 година, го потврди второто место помеѓу 15-те осигурителни компании на пазарот на осигурување во Република Македонија.
Друштвото и понатаму е водечка компанија во осигурителната индустрија во земјата во имотните осигурувања, осигурувањето од одговорност и патничко осигурување.
Компанијата реализираше бруто полисирана премија од 772 мил. денари, а со тоа раст од 16% во однос на 2010 година, додека вкупниот пазар на неживотно осигурување во РМ во истиот период забележа раст од 3%.
Вкупните резерви на Компанијата пораснаа за 36%, додека нето техничките резерви за 25%, со што достигнаа износ од 400 милиони денари.
– Особено сме горди што со исклучителни резултати влегуваме и во 2012 година, која е во знакот на одбележување на 10- годишнината од основањето на компанијата. Овие резултати особено ни значат затоа што ги отсликуваат сите наши заложби во текот на децениското постоење. Успехот со достигнување втора позиција на пазарот е дотолку позначаен за нас од причини што истиот е постигнат во услови на силна пазарна конкуренција од меѓународни осигурителни компании. Со ова потврдуваме дека Македонија знае и умее да продуцира домашен бренд подготвен за освојување водечки позиции во меѓународни рамки, изјави м-р Александра Наќева Ружин, извршен директор на Еуролинк осигурување АД Скопје.
[custom_frame_center]
[/custom_frame_center]
Превземено: www.inpress.com.mk
Датум на објавата: 09.04.2012
Автор: Инпрес