Тетово го доби третиот супермаркет „Рамстор”. Модерно дизајнираниот простор од 850 квадратни метри нуди широка палета од над 15.000 производи кои ќе ги задоволат потрошувачките потреби на околните населби и факултетите.
Богатата понуда на разновидни артикли е дополнета и со широк асортиман на овошје и зеленчук, пекарница и месарница. Маркетот има 40 вработени.
Дел од отворањето на новиот маркет „Рамстор” во градот беше и градоначалникот на Тетово, Сади Беџети. Горд е што три од шесте маркети на „Рамстор” во Македонија се токму во Тетово.
Синџирот на проширување со нови супермаркети не запира тука. Супермаркетот „Тетово 3″ е само почеток на планираното проширување со супермаркети. Следниот супермаркет „Рамстор” ќе биде отворен во декември, во Струга.
Иако е дел од интернационалната мрежа присутна во повеќе држави под закрила на мајката-фирма „Мигрос”, што е најголем синџир на супермаркети во Турција, „Рамстор” работи со стратегија да соработува со локалните увозници, произведувачи и дистрибутери, со што активно учествува во поттикнување на македонската микроекономија.
[custom_frame_center]
[/custom_frame_center]
Превземено: Ден
Датум на објавата: 23.11.2012
Автор: С. Атанаскоска