За Две Недели Стартува Трансплантацијата на Очна Рожница

//За Две Недели Стартува Трансплантацијата на Очна Рожница

За Две Недели Стартува Трансплантацијата на Очна Рожница

Македонија станува лидер во регионов за офталмологија, бидејќи во Европската очна болница стручниот тим на д-р Фарук Семиз за две недели ќе стартува со реализација на трансплантација на рожница (кератопластика) што е новина не само за земјава туку и за регионов. Целта е во 2013 година покрај домашните да се привлечат и странски пациенти кои организирано ќе доаѓаат да се лекуваат во Европската очна болница, оти листата на пациенти што чекаат за ваква интервенција е долга.

-За да се интензивира соработката, веќе имаме договор со државни и приватни фондови од Европа – вели д-р Семиз сопственик на Европската очна болница и додаде дека болницата веќе една година работи во РМ при што се применува најсовремена технологија и врвно медицинско знаење на искусни доктори.

Доктор Семиз е задоволен што за овој период целта е постигната и сега македонските пациенти за конкретни операции не патуваат надвор од земјава, а од друга страна странски пациенти доаѓаат да се лекуваат кај нас.

-Во фаза сме да се договориме со македонскиот фонд за здравствено осигурување за цената на трансплантација на рожница, а првите неколку операции ќе бидат бесплатни – посочи д-р Семиз.

Тој потсети дека пред два месеци изведена е првата операција на тумор на око во РМ и оттогаш има интерес за вакви операции од пациенти од Албанија, Бугарија, Германија.

-Овој вид на операции многу малку се работат во другите земји, по Германија и Америка, ние сега сме трет центар во светот – вели Семиз.

Цените за овие услуги за странските пациенти ќе бидат поволни и многу пониски од исти такви интервенции во други европски земји каде чинат околу 10.000 евра.

-Ова е добро не само за болницата, туку и за државата, оти парите остануваат тука, а пациентите не прават трошок за да заминат во странство – смета д-р Семиз.

Што се однесува за плаќањето по учинок на лекарите д-р Семиз вели дека тој поинаку ги плаќа своите вработени во Европската очна болница, а тоа главно се базира според потребите на општеството.

-Но, платите и на останатите вработени во болницата треба да бидат мотив, за тие кога ќе илезат од дома за да дојдат на работа да бидат мотивирани и релаксирани – смета Семиз.

[custom_frame_center]За Две Недели Стартува Трансплантацијата на Очна Рожница[/custom_frame_center]

Превземено: www.vecer.com.mk

Датум на објавата: 18.12.2012

Автор: В.Ма.

By | 2012-12-19T10:26:57+00:00 19/12/2012|Здравство|