Нов интернетсервис за проверка на здравственото осигурување на осигурениците воведува Фондот за здравствено осигурување на Македонија (ФЗОМ). Како што информираат од оваа здравствена институција тоа е чекор кон укинувањето на сините картони и кон воведувањето на ездравство. На вебстраницата тоеоѕјдигиуапје.Тго.огд.тк пациентите ќе можат да проверат до кога им е платен придонесот, статусот на осигурувањето и името на матичниот лекар, стоматолог и гинеколог.
-Основната цел на овој сервис е скратување на времето, намалување на гужвите и полесно остварување на правата како на осигурениците така и на избраните лекари вели Маја Парнарџиева – Змејкова, директор во ФЗОМ, и додава дека на овој начин се продлабочува соработката и довербата помеѓу осигурениците, избраните лекари и Фондот.
Таа нагласи дека овие активности се дел од проектот „Мое осигурување, мој доктор”, што е чекор кон укинување на сините картони, чекор кон воведување на ездравство, но и полесно остварување на правата. Со бесплатна проверка на здравственото осигурување на осигурениците ќе нема потреба од употреба на сино картонче.
-Вебсервисот ќе можат да го користат и матичните лекари за да проверат дали е комплетно ажуриран статусот на осигуреникот и дали тој како матичен лекар фигурира во системот на некој пациент. Сервисот се изработуваше подолго време по барање и на иницијатива на матичните лекари, а неговата примена ќе биде за сите осигуреници – посочи Парнарџиева – Змејкова.
На веб-страницата тоеоѕјдигиуапје.јго.огд.тк пациентите ке можат да проверат до кога им е платен придонесот, статусот на осигурувањето и името на матичниот лекар, стоматолог и гинеколог.
Таа укажа дека со воведување на овој веб-сервис ќе се елиминираат досегашните злоупотреби преку фалсификување потпис на осигуреникот. Парнарџиева – Змејкова појасни дека со добивањето на единствениот здравствен, што ќе се добие со воведувањето на електронската здравствена картичка, процедурата ќе биде поедноставена, а дотогаш осигуреникот за проверката ќе го користи бројот на здравствената легитимација.
Таа вчера информираше дека Фондот има добиено и обработено околу 700.000 апликации за електронска здравствена картичка за речиси цела јавна администрација, за пензионерите и невработените.
– Во моментот очекуваме потпишување договори во Министерството за здравство и правилник за утврдување на цената на картичката. Минатата година имаме издадено 50.000 здравствени картички, додаде Парнарџиева -Змејкова.
[custom_frame_center]
[/custom_frame_center]
Извор: Vecer
Датум на објава: 17.05.2012