Денеска во Охрид беше отворен нови супер маркет од ланецот маркети на компанијата „Дон“, извести локалниот портал „ohridpress.com.“
Новиот двокатен продажен објект е со површина од околу 900 метри квадратни. На приземјето се наоѓаат прехранбените производи и другите производи за домаќинство, а на горниот кат се произиводите од пластика, играчки, кујнски прибор, хартија, училиштен прибор, постелнина и слично.
Во моментов ова е најголемиот маркет во Охрид, кој има и сопствен паркинг за триесетина возила.
Според сопственикот Дончо Бауловски, компанијата планира во иднина да започне со сопствено производство на одредени производи и увоз.
„Дон“ маркети досега се отворени во Охрид, Струга и Скопје, а во текот на идната година е планирано отварање на маркети и во Струмица и Битола, како и уште еден објект во Скопје.
Станува збор за најпосетуван ланец за супермаркети во југозападниот дел на Македонија. Покрај супермаркетите, компанијата поседува и ланец на мали продавници познати под брендовите „Дампинг“ или „Мини ДОН.“
[custom_frame_center][/custom_frame_center]
Извор: www.plusinfo.mk
Датум на објава: 20.11.2012