Бензините од полноќ поевтинуваат за 3,5 денари, а дизел горивата за 3 денари по литар, одлучи денеска Регулаторната комисија за енергетика.
Малопродажната цена на ЕУРОСУПЕР БС-95 ќе изнесува 78, а на ЕУРОСУПЕР БС-98 ќе биде 80 денари за литар.
ЕУРОДИЗЕЛОТ (Д-Е V) ќе се продава за 67,50, а Екстра лесното масло за домаќинство (ЕЛ-1) за 56 денари за литар.
За 2,47 денари поевтинува и мазутот, и ќе чини 42,378 денари за килограм.
Со одлуката на Регулаторната комисија за енергетика, рафинериските цени на нафтените деривати се намалуваат во просек за 6,21%, а малопродажните за 4,65%.
Комисијата ја образложува корекцијата на цените со поевтинувањето на суровата нафта на светскиот пазар во изминатите 14 дена за 7,44% и со проемената на курсот на денарот во однос на доларот за 0,59%.
[custom_frame_center]
[/custom_frame_center]
Извор: www.fakulteti.mk
Датум на објава: 18.06.2012